Son Yazılar

Günümüz Şair və Yazıçıları.

Yaradıcılıqla məşğul olan insanlar, heç bir statusu olmayan mülki vətəndaşlardan daha diqqətli olmalıdırlar ətraflarına. Prinsip olaraq yaradıcı insanlar bilərək və ya bilməyərək ətraflarına jest və mesajlar verirlər.  Günümüz Azərbaycan ədəbiyyatında yüzlərlə özünə yazıçı, şair deyən şəxs var ki onların demək olar ki yaradıcılıqla uzaqdan-yaxından heç bir əlaqəsi yoxdur. Üç-beş hərfi yan yana qoyub söz birləşmələri əmələ gətirməklə yazıçı, şair və yaxud publisist olunmur. Ədəbiyyat tariximizdə Nizami, Füzuli, Xaqani, Nəsimi, Sabir, Mirzə Fətəli, Cəlil Məmmədquluzadələrin yaşadığı dövrdə zənn etməyin ki sadəcə yazıb yaradanlarlar bunlar idi. O dövrdə də yazıb yaratmaq istəyənlər çox olsada, ortaya çıxardıqları məhsullar (əsərlər, nəzmlər) keyfiyyətsiz olduğu üçün ədəbiyyat tariximizdən silinib gediblər.
Bu gün eyni prossesi yenə yaşayır ədəbiyyatımız. Yaradıcı insanlar cəmiyyətə sosial və siyasi problemləri  sadəcə və sadəcə yaradıcılıqları ilə mesaj verməlidirlər. Şair şeirləri ilə, yazıçı əsərləri ilə, publisist araşdırmaları və məqalələri ilə, heykəltaraş heykəlləri ilə. Bunları bacarmayanlar hər zaman olduğu kimi tarixin səhifələrindən silinib gedəcəklər. Çox əfsuslar olsun ki, günümüzün Azərbaycan yazıçı və şairləri cəmiyyətimizin kitabalara olan marağından gileylənirlər. Və demək olar ki bütün günahı cəmiyyətdə görürlər.

Özünə şair, yazıçı deyənlərimiz məndən inciməsinlər. 9,5 milyonluq Azərbaycan cəmiyyətinə 500-1000 sayda kitab çap edib, onun 50%-ni öz qohum əqrabasına hədiyyə edib, yerdə qalanları isə 10-15 ilə sata bilməyən bir yazıçı, şair günahı cəmiyyətdə yox ortaya çıxardığı əsərində və özündə görməlidir.