99%
99% Müsəlman, amma hər
halda ortalıqda görünməməyi seçiblər. Bu günəşli və küləkli ölkəmdə yaxşı şeylər görməyəli çox uzun
zaman oldu. Məscidlər, məktəblər, elm ocaqları boş, imamlar və təhsil müəssisələri də bu vəziyyətdən narahat deyil. Əxlaqi
problem halına gələn tıxacda beş dəqiqə mübarizə apardıqda 99%`in bir yerlərdə
gizləndiyini düşünürsünüz. 10%-ə də razı olacaqsınız, ancaq görə bilmirsiniz.
Böyük ehtimalla sizin gözlərinizdə problem var.
Yaxşılıq üçün yaşayan
dindar insanların bir yerlərdə olduğunu hiss edirsiniz, amma ətrafımızı
çevrələyən bu pis əməllər qarşısında gizləniblər yəqin. Onlar meydanı boş
buraxan kimi də yaxın tariximizdə (25 ildə) məruz qaldığımız fürsətçilər əldə olan
dəyərləri zəli kimi sovurmağa başlayır. Hüququn və normların sömürüldüyünü öz
gözlərimizlə görürük. Bütün dünyada eyni şey var, bu bizə xas deyil. Ancaq
bizdə vəziyyət sandığımızdan daha da pisdir.
Baş verən fəlakətlər
özünü aldatdığın əsnadakı sıradan hadisələrdi əslində. Özünü aldatmayan, gerçəklərlə
üzləşən toplumlar (cəmiyyətlər) və ya fərdlər hər hadisəni həyatın qeyri-adi
bir parçası kimi qarşılayır. Əsas olan buna hazırlıqlı olmaqdır. Hazırlıqlı
olmaq da əvvəlcə öz yalanlarımızdan sıyrılmaq ilə başlayır. Çox böyük, fərasətli
olduğumuza inanaraq özümüzü aldadırıqsa ən kiçik məğlubiyyətdə fəlakət
yaşayacağımız qaçılmazdır. Halbuki rasional, gerçəkçi davransaq, ayağımızı
yorğanımıza görə uzatsaq, öhdəsindən gələ biləcəyimiz işlərin altına girsək daha
uğurlu və əksi olsa məğlubiyyətdə belə o qədər də zərər çəkmərik. Daha da vacibi
nəyə qadir olduğumuzu qəbul etdiyimizdə özümüzü təkmilləşdirməyə yönəlik
addımlar ataraq hərəkətə keçmiş olarıq.
İnancımız özümüzü bir
başqasının gözüylə (empatiya) görə bilməyimiz üçün böyük bir fürsətdir. Kimdən soruşsanız
öz inancına görə mükəmməldir. Bir kərə səmavi dinlərə mənsub kimsə hər nə
vəziyyətdə olursa olsun Allah tərəfindən görüldüyünü bilir, ancaq bir şəkildə özünü aldatmanın
yollarını tənzimləyib, öz mikro inancında mükəmməl olduğunu zənn edir. Nəticə
etibarilə eyni inanca və ideala inanan insanların öz dəyərlərinə tərs hərəkət
edə bildikləri bir yozlaşmanı (korlanma) gözlərimizlə təcrübə edirik. Özlərini aldatma
yoluna girənlər öz özlərini hər şeyin qarşısında görür.
Bir gerçək var ki, bu gün İslam`ın qaranlıq çağını yaşadığımızı rahatlıqla söyləyə bilərik. Biz bu
sivilizasiyanın içində yer alırıq. Əvvəllər İslam sivilizasiyasında insanların
rasional və dinc şəkildə yaşaya bildiklərini də bilirik. Hətta İslamın klassik
çağında rifah və elm ilə digər sivilizasiyaları dəyişdirmiş və bu günkinin
əksinə qibtə ediləcək bir mövqeyə gəldiklərindən də xəbərdarıq. Çox təəssüf ki bizim çağımızda mürtəcelik (gericilik) və əxlaqsızlıq nümunələri bu sivilizasiyadan verilir. Bu gün ən çox
əzabı Müsəlmanlar çəkir. Əzab çəkən də çəkdirən də müsəlmanlardı. Başlar
kəsilir, kafir elan olunur, savaşlar çıxır; Elə bir qıraq müsəlmanlar arasında
sonu görünməyən savaşlar yaşanır.
Məkkə və Mədinə`ni belə
ABŞ, İsrail təhlükəsizlik xidmətləri qoruyur. Kimdən? Digər müsəlmanlardan. Dünyanın hər hansı bir
yerində hər hansı bir TV kanalında elə hey Müsəlmanlar var. Çox təəssüf ki heç
birisi də yaxşı şeylərdən xəbər vermir.
Artıq özümüzü aldatmağı
bir kənara qoyub bir şeyləri səhv etdiyimizin fərqinə var-ma-lı-yıq. “99%”
belədir, onların işidir, bizə düşmən gözü ilə baxırlar, öldürürlər, tərki-dünya
edirlər deməyi tərk edib bir işin ucundan yapışmalıyıq. 99% müsəlman ya da hər
hansı bir inancda, rəngdə, ideyada olduğu bir məsələ təşkil etməməlidir bizim üçün. Bir
birimizi səhv çıxarmaqla öyünmək boşluğa düşməyin əyani isbatıdır. Nə Müsəlman olmaq,
nə milliyət nə də digər fərqli fərqli özümüzə yaraşdırdığım sifətlərlə özümüzü
aldatmayaq. Dəyərlər nisbidir, sifətlər də keçicidir. Əvvəl axır o maskalar
cırılacaq. Bir şeyləri sorgulamadığımız müddətcə özümüzü aldatmağımız sona
çatmayacaq və yerimizdə saymağa məhkum olacağıq.
Necə deyərlər: “ Bomboş
biri idi, bu boşluğu dodurmaq üçün bir ideyaya sarıldı. Filankəs, feşmankəs və
ya dindar olması da mümkün idi, amma onun müdafiə etdiyi ideyalanın rəngləri bu dünya üçün
keçərli deyildi.”
P.S: Qısaca din və elmi
bir-biri ilə savaşdırmayın. Onların bu savaşa ehtiyacı yoxdur. Hər ikisinin də
tarixdə qibtə ediləcək və utanılacaq tərəfləri olub. İdeyaların rənglərini bir kənara buraxıb; Adam olun adam!
Hiç yorum yok