Ölkəmin Halı
Uzun
zamandır öz düşüncələrimi silsilə şəklində uzun mətnlər halında paylaşıram.
Bütün bunları da xüsusilə ölkəmizi ələ alaraq yazıram. Özümüzdən daha çox
nümunələr gətirirəm. Təəssüflər olsun ki “özünü dərk” və “fəlsəfənin” dəyər
görmədiyi bir coğrafiyada yaşayırıq. Ölkəmizin bu halda olmasını da nəzərə
almaq məcburiyyətindəyəm. Burada, Azərbaycanda dünyaya göz açaraq bir problemlə
qarşılaşırıqsa bu problem həll etməliyik. Vətən bizim bədənimizdən bir
parçadır, onun problemlərini həll edib digər problemlərə keçmək bizə daha
sağlam həyat bəxş edəcək.
Böyük
Azərbaycandan əldə qalan son parçayıq. İtirə itirə bir balaca qalmışıq. İllər
boyu gücümüzü ədəbiyyatımızdan, fəlsəfəmizdən, idarəetmə şəklimizdən və güclü
ordumuzdan almışdıq. Teymurilər, Monqollar və Britaniya kimi zamanın ən güclü
dövlətləri belə bu torpaqlarda qalmağı bacarmadı. Amma gördüyünüz kimi biz yenə
də bu coğrafiya varıq və var olacağıq. Ta ötədən bəri Türklər sadəcə dünya
dövləti qurduqları zaman uğurlu nəticələr əldə etmişdilər. Başqa cür irqçi və öz
mənfəətinə düşkün iqtidarlar qurmağa başlayanda böyümək əvəzinə yox olamağa
məhkum olduq.
Azərbaycan
artıq kiçik bir ölkədir, çünki tarixinə baxıldığında cılız həvəslərinə qurban
getmişdir. Zamanında fərqliliklərimizi qəbul edərək böyümüşdük bu coğrafiyada.
Elə ki hər hansı bir dini inanca, bir fikrə, düşüncəyə və ya şəxsə lazımından
çox bağlandığımız anda kiçilməyə başladıq. Çünki bir şeyə kor-koranə bağlılıq
haqsız da olsa ona tərəf çıxmaqla nəticələnir. Bu gün yaşadıqlarımız kimi.
Biz
kiçilməyə başladığımız ərəfədə qərbdə ortaya çıxan rəqabət, xüsusi təşəbbüs və
bunun nəticəsi olaraq enerji qaynaqlarının istifadəsi cəmiyyətlər arası
fərqləri açdı. Enerji dəyişdiyi kimi, insanların idarəetməsi dəyişdi.
Korporativləşmə geniş kütlələrə yayılmağa başladı. Biz isə ən raqəbətçi
təşkilatlanma şəkli olan kapitalist şirkətləşmədə yetərli olmadıq. Dövlətin
yerini özəl təşəbbüslərlə əvəzləməyə heç cürə inteqrasiya edə bilmədik.
Əsrlərdir üstümüzə çökmüş mentalitet yükünü atmaq istəmədik çünki.
Savaşlarda
məğlub olma riskini görəndə də qatarı yarı yolda tutmağa çalışdıq, amma bu dəfə
də çox gec qaldıq. Bu gecikmənin nəticəsi olaraq qərbə olan inteqrasiyamız “zibil
günündə” oldu. Çünki keçmişlə olan bağlarımızdan qopa bilmirik heç cürə. Və
bunun nəticəsi olaraq cəmiyyətin ortaq şəkildə hərəkət etmə şüuru da yox oldu. Bu
insanlara, cəmiyyətə bağlılığı olmayan fərdlər zərər verməyə başladılar. 100 il
öncə qurduğumuz demokratiyamız zamanla xalqı yox özlərini düşünməyə başladı.
Partiyaçı olduq. Partiyaçı olaraq da daima yanlışın tərəfdarı olduq. Partiyanı
müdafiə etmək markalaşmaq idi əslində. Hər kəsin səhvlər edə biləcəyini
söyləmək əvəzinə özümüzdən olanların səhvlərini doğru olaraq yansıtdıq.
Doğruları seçmək əvəzinə özümüzü aldatmağı seçdik. Bu haqda keçən həftə “Özünü Aldadanlar Ölkəsi” adlı yazı da yazmışdım.
Uğurlar
ətraf mühitə görə müəyyən edilir. Qərb yeni bir ideya ortaya
atdı, dünyanı da bu ideya ətrafında toplamağa məcbur buraxdı. Biz əslində
geriləmədik. Sadəcə onların öz daxilindəki yarış bizi onlardan geri qoydu. Bu
günki utancımız yarışa qatılamağa zəhmət etməməkdən, bir tikə çörəyimi yedim
bəsimdir deyib oturmaqdan qaynaqlanır. Başını aşağı salıb dayanmanın günah
olduğu bir dünyada artıq bir tikə qazandım bəsimdir deyənlər ölməyə başladılar.
Bu gün
ölkələrin bir qismi öz keçmişini itirib qərbli oldular, digərləri də onlardan
geri qaldı. Azərbaycan şərqdə, qərbə inteqrasiyanı ilk yoxlayan cəmiyyət olaraq
1918-ci ildə tarix yazdı. Buna baxmayaraq şərq ölkələri içində qərbin
dəyərlərini ilk qazanmağa çalışan və bunu ən uzun müddətdir bacara bilməyən bir
cəmiyyətimiz var. Hələ də modernləşmə adı ilə yüz ildir qərbdə nəyin əksik
olduğunu axtarırıq. Lazım olanları alacağımıza vaxt itiriə itirə gedirik.
Coğrafi olaraq bəlkə gündəlik həyat tərzimiz üst üstə düşməyə bilər, amma
idarəetmə olaraq çox şey qazana bilərdik bu illər boyunca. Bir şeyi qəbul
etmədən onu sağaltmaq və təkmilləşdirmək mümkün deyil. Rədd etmək acı
xatirələrmiziə göz yummaqdır sadəcə. Əgər birini dəyişdirmək istəyiriksə ona
qapıları əsla bağlamamalıyıq. Birlik olmalı, yəni onun düşüncəsinin də doğru
olduğunu görməliyik. Qarşımızdakının dəyişiklik qapılarının daim açıq qalmasına
çalışmalıyıq. Kimsə tam olaraq haqlı deyil. Hər kəs xəta edər və buna görə də
hərkəsin ikinci bir şansı olmalıdır. Bir amal uğrunda çalışmaq bizi var edər.
Birlik olmaq hər kəsin eyni düşüncədə olması demək deyil. Birlik olmaq eyni
şeyi müdafiə edəcəyimiz mənasına da gəlmir. Fərqliliklərin qəbul edilməsi və
tək vücud olmağın sahiblənilməsidir. Diqtə etməklə birlik olmaz, çox səslilik
təbiidir və bunun qəbul edilməsiylə birgə bu vücud eyni istiqamətdə sağlam
addımlar ata bilər. Bu minvalla ölkəmizdə ayrı seçkilik qoymadan hərkəsi tək
vücud olmaq üçün sıralarımıza qəbul etməliyik.
Düşmənçiliyin
son yoxdur. Düşmən axtaran bir düşüncəylə cəmiyyət dəmir çitlər, divarlar və
təhlükəsizlik kamerları ardında məhkum olur. İnsanımız özünə güvənməli,
fərqliliklərdən qorxmamalıdır. Pis alışqanlıqları özümüzdən bərtəraf etməliyik.
Mədəniyyətin,
fəlsəfənin və inancın çıxdığı bu torpaqların insanında zəka və bacarıq fışqırır.
Tək əksiyimiz isə yaxşılıqdır. Enerjimiz çox, ancaq bunu yaxşılıq üçün istifadə
etmirik təəssüf ki. Gözəl olan şeylərə həyatımızda çox az yer veririk. Tək
sözlə dürüst insan qıtlığımız var. Yalanlar bizi geri götürür. Özümüzə olan inamsızlığı
və bir birimizi aldatmağı bir kənara qoyub səmimi münasibətlər qurmalıyıq.
Öz
içimizdə qəbullanmağı reallaşdırdıqdan sonra bəlkə dünya siyasətinin təcrid
etdiyi fağır insanlara gözəl bir həyat bəxş edə bilərik.
Hiç yorum yok