Təhsil Çarədirmi?
Yazılarımda
çox zaman keçmişlə olan bağlarımızın qopuqluğundan, insanlıq deyərkən “özünə
indekslənmiş” düşüncə tərzinin yanlışlığından bəhs edirəm. İnsanın
kommunikasiya problemi olan mədəniyyətin ötürülməsini “TƏHSİLLƏ” həlli başlıca
həll yolu olaraq görünür. Cəmiyyətdəki bir çox xətanın təhsillə yoluna
qoyulması mümkündür. Ancaq səhv dizayn olunmuş bir sistemdə doğru bir təhsil
dizayn etmək mümkün deyil. Pis idarə edənlərin təhsili də pis olur. Çox təəssüf
ki təhsil ocaqlarında uşaqlara öz cəhalətimizi təkrarlatmağın xaricində bir şey
öyrədə bilmirik. Böyüklərə isə təhsil verilməsini absurd görərək onsuz da bir
axmaqlığa imza atmışıq.
Təhsil
çarədir, Bəli!. Amma hansı təhsil? Təhsil haqqındakı qavramlarımız tamamən
yanlışdır məncə. Təhsil bineyi qədimdən sosial təcrüəblərin ötürülməsi ikən
günümüzdə özünü itirmiş insanlığı əyləndirmə fəaliyyətinə dönüşüb. Əvvəla onu
deyim ki “TƏHSİL” bir yarış fəaliyyəti deyil. Qohum-əqraba öz aralarındakı
yarışa övladlarını alət edib 100 hoqqadan çıxması isə heç deyil. Çağımızın ən
böyük problemi olan hər sahədə yarş və əylənmə marağı təhsilə də təəssüf ki
sirayət edib. İnsan dünyaya yarışmaq üçün gəlməyib, insanın şəxsiyyətini də
rəqəmlər təyin etməməlidir.
Elmə
əlçatanlığın bu qədər asan olduğu dövrdə məktəblərin bu qədər iyrənc idarə
olunması da ayrı bir dərddir. Elm adı ilə kitablara soxuşdurulan məlumatların
uşaqlara əzbərlədilməsi və müəllimlərin papuqaylıqdan başqa bir peşə halına
gəlməməsi də ölkəmizin ən böyük problemlərindən biridir. Məncə, məktəblər məlumat
verməməli, yöntəm aşılamalıdır.
Tarix,
Coğrafiya, Ədəbiyyat kitablarında lazımsız materialların çoxluğu uşaqlara əlav
yük olaraq yüklənir, sevməsi lazım ikən bu sahələrə olan maraqlar itir. Və
həyata lazımından erkən yaşda atılmağa yönəlirlər. Daha uşaqlıqlarını doyunca
yaşamadan tarix kitablarında 1-ci Yelizavetanın, Napoleonun savaşlarına şərik
olurlar. Halbuki regional tarixi məlumatların Azərbaycanlılar üçün heç bir
faydası yoxdur. Bəzən qərb ölkələrində sorğu keçirirlər Azərbaycanı
tanıyırsınızmı? Onların bir çoxu da SSRİ-də belə bir ölkə var idi kimi cavablar
verirlər. Çünki onlara tarixdə özlərinə aid olmayan tarixi ötəri şəkildə
öyrədirlər məktəblərdə. Tarixi, Coğrafiyanı öyrənmək istəyənlər Universitet
illərində daha təfsilatlı şəkildə öyrənirlər.
Zənnimcə,
təhsil ən yaxşı vaxtlarını tarix öncəsi dönəmlərdə yaşamışdır. Uşaqlarına
ovlanmağı və tonqal qalamağı öyrədən ovçu-toplayıcı atalar bu işi ən doğru
edənlərdir. Uşaqları bilgi ilə bəsləmək lazımdır, ancaq bu sadəcə həyatlarını
davam edəcək qədər olmalıdır. Əsas məqsəd onlara mübarizə aparmağı, düşünməyi
və bilgiyə necə yiyələnmək lazım olduğunu öyrətməkdir.
İbtidai
deyə məzələndiyimiz ovçu-toplayıcı atalarımız qədər ola bilmirik. Təhsilin
sadəcə uşaqlara xas bir davranış olduğunu düşünərək də ayrı bir qələt edirik.
Ölkəmizdə Məktəbi və Universiteti bitirmiş bir çox insan tanıyıram ki artıq hər
şeyi bildiyini iddia edir. Və övladına yanlışları o qədər məharətlə soxuşdurur
ki, adamın ağzı məəəttəl qalır. İnsan hər yaşda hər an öyrənir, dünya ilə bağ
qurur. Məktəbdən kənardakı təhsilin göz ardı edilməsi də çağımızın yanlış
dizayn edildiyinin göstəricisidir. Çünki bizlər də bu təhsil sisteminin
yetişdirdiyi bir məhsuluq. Çağdaş zamanların bilgiyə bu qədər asan əlçatan
insanına rəhbərlik edəcək, sadəcə uşaqları deyil bütün cəmiyyəti düşünməyə sövq
edəcək bir rəhbərlik anlayışı dizayn edilməlidir.
Bizim
kimi ən başdan və məcburi şəkildə oxumağa məcbur edilmiş cəmiyyətlərdə
məktəblər yetkin insanların təhsili ilə dəstəklənmirsə bir işə yaramayacaq.
Təhsilin cəmiyyətimizin səhvlərinə çarə olduğunu söyləyə bilərsiniz, ancaq
mövcud halı ilə enerji itirməkdən başqa bir şey deyil. Təhsilin sosial
problemlərə çarə olması üçün cəmiyyətin ehtiyaclarına cavab verməsi şərtdir. Təhsil
inkişaf etmiş cəmiyyətlərdə sərhədləri qaldırmaq və fərqlilikləri qəbul etmək
ikən Azərbaycanda oxuma-yazma öyrətməkdən başqa bir işə yaramır. Ayrıca
kitablardakı bigliyə yox, yox olmağa doğru gedən insanoğlunun həyatta qalma
bilgisinə fokuslanmalıdır.
Skandinav
ölkələrindəki təhsil sisteminin son zamanlarda trenad halına gəlməsi və məktəb
illərinin ilk iki ilində uşaqlara oyunlar oynadaraq məktəbə, elmə, bilgiyə
sevgi yaratması bundan qaynaqlanır.
Təsəvvür
edin bizim birinci sinifdə oxuyan övladlarımız məktəbəd 5-6 dərsə girir,
müəllim evə 5-6 dərs ağırlığında material yükləyib valideynlərə yönləndirir. Və
bu siyasi idarəetmə sistemində işləməyə məhkum olana valideyn yorğun halda
övladına lazımı dəstəyi verə bilmir və uşaq arada itib batır. Çox az valideyn
övladını yenidən hazırlığa qoyur və uşağın 24 saatının 10 saatı yatmağa 6 saatı
məktəbə 3 saatı evdəki dərslərə, yerdə qalan 5 saat isə yeməyə, içməyə,
əylənəcə və s.
Bilmirəm
fikrimi nə qədər çatdıra bildim. Amma bir onu bilirəm ki Azərbaycanda verilən
təhsil bizim sosial həyatımız üçün ÇARƏ deyil.
Hiç yorum yok